|
THLARAU NUN LEH POLITIK TUI NU
(Rev. Chanchinmawia (L) 2007-08-24) Politik hian kan nunah hmun a chang thûk lo thei lo. Chang thuk tur pawh a ni. Mahse ringtu chu Thlarau Thianghlimin a kaihruai tur a ni a, politik tui nua a inbual ve a thiang lo. Sawrkar rorelna hian mi tin a huap vek avangin politik chu boruak ang maia min tuamtu a ni. Politik tha leh tha lo erawh chu an inthlau em em a. Inang lo tak an ni. Hei hi kan thliar thiam ngei a pawimawh a, politik tui hi a nut chuan Thlarau Thianghlim dodaltu a ni a, ringtu nunah a luang lût ve tur a ni lo.
Politik tha chuan innghah nan ‘Rinawmna’ leh ‘Dikna’ a hman thin avangin Thlarau nun a tihliam ngai lo. ‘A ram leh a felna’ dah hmasak a nih avangin dawt leh eirukna te hian hmun an chang thei lo. Diabola ngam lohte hlirin ro an rel avangin nun dik leh hmasawnna sang chu khawvel êng an lo ni thin. Chutiang politik tha chu Kristian ramah hian a awm thei lo a nih chuan ringtute kan mualpho tihna a ni. Entawna insiam tur kan ni a. Chu chu Bible-in kan chan tur Thlarau rah a sawi kha a ni. Chutiang rorelna chu retheite tan a nuam a, hausate tan hlei hlei a hlu bawk. Mi sual erawh chu an chep thung ang.
Politik tui nu avanga kan kalpui dan dik lo leh Sawrkar awm dan hian hei hi an hlat lutuk a, kan khawlo zo ta a ni ber. Pathian hming lah kan lam zur zut mai a, mahse Setana rorelna hnuaiah kan kun tlat bawk si niin a lang. Setana hnuaiah tumah an hlim tluantling ngai lo. Kan ram politik tluka Thlarau Thianghlim tilungngaitu, Setana tanhmun tha hi hmun dangah a awm ang em tiin a ngaihtuah theih rum rum a ni. Sawrkar leh party politik-ah hian mi tha leh rinawmte chu lût ve phak lo tura ngaih an ni fo thin. Setana hi a huangtau lutuk a ni lo’m ni? Tuna kan party politik hian kan sawi tak politik tha khi a thlir phak lo hrim hrim niin a lang. Dawt sawi te, mi mal insawi chhiat vak vak te, hleih neihna leh eirukna te, mi vote lei leh vote hralh te, tihpuitlin loh tur thil intiam vak vak te hi kan Lal Isuan a phal rêng rêng lo. Setana chawh nut party politik hi tihthianghlim a hun ta. Thlarau Thianghlim hnathawh dawngtu chu he tui nuah hian a inchiah ve thei lo va, an zingah hlawkna ûmin a tel ve thei bawk hek lo. Hetiang tui nu atanga diabola malsawmna dawn ai chuan Krista hminga retheih a tha zawk a ni.
Harh a hun ta. Lem chang lovin an zing ata chhuak ila, Thlarau Thanghlim duh dan hmangin tihfim i han tum teh ang u. Biak Ina vantirhkoh ang mai, politik leh sawrkara Setana tirhkoh nih kawp hi Pathian pawisawina a ni. Inthlan dawn hian party tinin political training an nei thin, he training hi party politics boruak chawh nut dan inzirtirna a ni ang tih rinhlelh theih turin a rawn inpuang chhuak thin. He tui nuin a bual chu Upate thleng pawhin hai theih an ni lo.
Chutiang rawngbawltute chu tu thlarau nun mah han chawm ziazang an ni lo. Politik tha pangngaiah hian chu tui nu chu leih luh an tum fo lehnghal. Thil tha ti thei lo tura mite hruai an tum a ang mah mah zawk a ni. Hetiang mite tan hian siam tha tura pawl ding tawh phawt chu a hnawksak dawn. Thlarau Thianghlim hnathawh hmangin an tui hnar hi tihfimsak tum zawk ang u.
Thlarau Thianghlim hnathawh kan chan theih lohna pawh hi he politik tui nu hian keimahniah a kawng a dal tlat vang a ni. Harhna mei timit leh thintu pawh hi hei hi a ni thui hle. Politik ruih chilh lova insawi reng chunga hmel, nungchang leh thu sawia ruihzia lang reng si lah kan tam. Zu leh ruihtheih thil leh mipat hmeichhiatna lama fihlimte an inrin lohna lama phih awh nan Setana hian politik hi a hmang nasa a ni.
He politik tui nu hi a sosang tial tial a, intual vuakna a thleng ang tih pawh a hlauhawm lek lek thin. Sawrkar sum hai chhuah tumtute leh sawrkar hnaa inhnim luh beiseite ruling party office-ah kan zaikhawm ta luih luih mai a nih hi. Hei hi kalhmang tha a ni zel ang em? Setana thuhnuaia kun siin Pathian hla kan sa ve mai mai a ni thei em? Philipi khuaah khan ramhuaiin a nihna a lo puan khan Paula a lungawi miah lo asin. Kan chawhpawlh lû deuh em? Minister-te an Bangla-ah biak kan intihhmuh bawk a, kan tlar peu po mai. Kan bawhbuai lutuk. A zia lo khawp mai. Sawrkar tanpuina rilru nei hlawm ni ila hetiangin kan awm lo vang. Mahni phak tawka sawrkar ei kan tum vang a ni ber. Diabolan malsawmna min dawntir a tum dan hi a hrisel lo thei hle.
Politik tui nu chuan ram tana an thawh tur hliah vek khawpin inpuhmawhna a tisosang thin. Thlarau a cheng lo em mai! Mi retheite vote lei khawm tumna a rawn so chhuahpui ta. A ngam huai huai hnenah kan vote kan hralh mai dawn em ni? Inthlanpui hnuhnung (2003)-ah khan Synod Social Front chuan nuai za sengte pawh awmin a hria. Kan Chief Minister ngei pawh hian a hautakzia leh an senso zat an sawi duh tawh loh thu a sawi chhuak thin tih kan hria. Kristian State intingam awm chhun tih dan hi a mak hle ta mai. Bible zirtirna leh Thlarau Thianghlim kan dodal dan a thuk lutuk ta. Khawtinah mi tlem tê vulh lena chu mite hmanga retheite vote lei khawm hi kan tum zel dawn em? He zawhna hi dik takin vantlang hriatah party leader-ten an chhan a ngai ta. Retheihna avangin cheng za nufa lekin kan zahawmna kan hralh duh zui zel ang em? Hei hi mi retheiten i chhang bawk ang u. Kum 2003-a kan inthlan khan ralthuam chelekna a lo awm ta nia sawi a ni a, hei hi zalenna tihbo theihna a nih avangin MPF chuan ‘tuman hei hi kan phal tur a ni lo’ tiin a din tirh atang khan a lo tlangaupui tawh a ni. Pathian kan zah loh dan em em hi mak tak a ni. Nu tak kan ni. Ralthuam cheleka hel pawlte nen kan bei vaih chuan Kohhran leh Tlawmngai pawlte aw pawhin awmzia a nei thei tawh lo vang a, Satanic rule-ah kan lût pumhlum a lo ni tawh ang. Dikna tuman kan sawi ri ngam tawh lo vang a, silai kaw hmawra rorelna a awm zawk tawh ang. Lalthutthleng inchuhna avanga politician-ten chutiang dinhmunah min hnuk lut lui a nih chuan ringtu dik tak chuan kut kan silsan a tul tawh bawk ang. Chu bakah Thlarau Thianghlim hian min tinsan ngeiin a rinawm bawk.
Politik tui nu kara Setanan min hreuh chhiatna lai ber chu sawrkar sum bawm hi a ni. Inrelbawl dan leh thuneihnate hi sawrkar sum bawm nen a inzawm vek a. Tuna sawrkar kalhmangah hi chuan Setana tan hmun hi a remchang em bawk a ni. He sum bawm hi Minister-te, Commissioner-te leh Department head-ten an enkawl a, Aizawl atang veka enkawl a ni a, hei hi tuna kalhmang chu a ni. An rinawm loh chuan tumah dang venpuitu tur an awm lo. Judiciary lamin an veng pha lo va, CBI ventir ve kan remti rih bawk si lo. Synod tih dan angin thla tina endiktu tur an awm bawk lo. Budget lah area wise or District wise a department tin tana siam a ni lo va. Minister bialte hian nihlawh deuh turah kan inngai chawp ve ringawt mai a ni. Hna lak thu-ah pawh District atanga lak theih a awm lo va, Aizawl atanga lak vek an ni. Hmasawnna a chak loh bakah a khai rual thei lo va, mihring pawh kan inringhlel tawn zo ta vek a nih hi. Setana a hlawhtlin hmel thin hle. Zu ngawlveite ang maiin hnam ro siamna tur leh hmasawnna tur sumte chu kan eiru zo ta zel mai niin a lang. Mau tam sazu aiin kan chimawm fe zawk âwm asin. Sum min petu sawrkar laipui lahin kan mawhah a dah mai niin a lang a, kan mawhchhiat tur a ni lo vang. Keini Kristiante mawh liau liau hi a ni.
Hetiang hi kan dinhmun dik tak a nih avangin Pathian Thlarauva harhna pawh hian a daih rei loh phah fo va, Setana kan do hlei thei lo ni berin a lang. Krista nungchang leh Chanchin Tha nena inmawi sawrkar kan neih theih nan i tawngtai tlat ang u tih leh politik tuifim atangin kan ram awm dan hi i thlir ngam ang u tih hi kan inchah duh chu a ni. Zalenna awm lohna, Pathian Thlarau chhuahsan ram kan ni palh ang e.
LAWRKHAWM
Arunachal East Field
ÿ Branch KTP chuan Arunachal East (Ramthar) rawngbawlnan Rs.10000/- (Cheng singkhat) a hlan a, he field-a missionary kan branch member Pu Lalrinkima Bawihtlung thirsakawr leisak Committee-in a duh thu a thlen nghal.
Zaipawl Intihsiak
ÿ Chanmari West Branch KTP Group hrang hrang zaipawl intihsiak ni 19.Dec.2008 (Inrinni zan) hian neih a ni dawn. Intihsiakna hla atan “Mihring zingah a lo kal (KHB 88)” leh “Zan tlai khawthiang karah (KHB 118)” te a ni ang. Group hrang hrang ten theihtawpa inbuatsaihin hma an la chho mek a ni.
Lawmpuina Pe Dawn
ÿ Branch KTP chuan hetiang hian lawmpuina a pe dawn-
1) Thawhtan zan inkhawm kim- Rs. 100 hu.
2) Branch Committee kal kim- Nilai leh Beihrual,2009
3) Bible chhiar chhuak- Rs.100 hu.
Open Air Service
ÿ Branch KTP-in open air service a ruahman rokhawlhna avanga hman loh chu ni 23.Nov.2008, Pathianni tlaiah hman tura tihfel a ni ta.
Zamuang Bial Musical Meet
ÿZawlnuam Pastor Bial musical meet hmanpui tura kal tur ten kal leh hawna man Rs. 100 thawh theuh tur a ni a, Branch hruaitu kal thei loten Rs. 100 thawh theuh tura beisei an ni.
Eidotrial - TUNLAI DAN
‘Tunlai Dan alawm’ tih hian sual hi kan pawisa lovin sual hian min chiah hneh ta hle mai. Hun liam taa thil thleng rapthlak nia kan phipui chuk thin te chu thenga thawngah a thawk ta meuh lo. Insahhlum, inawkhlum tihte, inkap tihte mitmeng danglam hauh lovin kan ngaithlain kan chhiar liam ta vel mai mai a nih hi.
Tunlai Dan alawm tih hian sual dai tur hian eng chen nge kan pen dawn a, kan thinlung sual tan zau takin kawng kan hawnsak ve em? Chiahpum boruakin min tuam hlup hlup a, mual min liamsan mek laiin MLA inthlan boruakin hun leh hmun a rawn luah chho leh mek ta. Tunlai dan alawm tia sual palzam mai mai hreh hauh lova ringtu phusak chiam chiam hi a fuh ber lovang. Tunlai dan ni lova Pathian duh dan leh tehna dik lo theilo Bible dana khawsak leh chet thiam hi ringtute tih dan tur a ni ngei ang.
Tunlai dan hian mi a hipin tantu pawh a ngah zawk ngei ang. Enga pawh nise tunlai dana kal lovin Pathian duh dan zawk hi kan innghahna tur a ni ang. Tunlai dan hian mi a chhandam dawn lova, kan dam nan Pathian duh dan hi kan intehna leh kawng min kawhhmuhtuah hman i tum zel ang u.
MASIHI SANGATI PROGRAMME
A hun : 16.11.2007 (Pathianni)
A hmun : Pu Lalbiakthanga In
Hruaitu : Pu Zairemthanga
Tantu : Pu Lalnunmawia
Hnam dang Inah feh chhuah tur a ni
Hun hmangtu : Nl. Lalramengzami leh
Pi Zohmangaihi
Pu C.Sangpuia
Faith Promise lakkhawm leh hlan
All Mizoram Meitei Christian Meet Report
A hmun : Chhinga Vengthlang Presbyterian Kohhran Biakin
A hun : Date 7-9.11.2008
Thupui : “In lamlet ula, nung rawh u”
(Ezekiela 18:32)
Speaker : Rev. L.Gourang Singh
Imphal, Manipur
Meitei meet-ah hian ram chhung leh pawn atangin palai 365 an lo kal khawm a. Councellor pawh mi 24 lai an awm a, Baptisma chang mi 40 lai an awm bawk. Ringtharte tawngtaipui an ngai hle. Inchhung khur atanga hnawhchhuah mai nih an inring hlawm.
Ram dang atanga lo kal thenkhat phei chu an haw kawngah misualin an suam a, an pawisa leh thilneihte an laksak a, tawngtainaah i hre reng ang u. Ram dang atanga lo kalte hi Dawrpui Pastor Bialin an chah chhuah a ni a, an kal man leh an senso an tumsak vek a ni. Kan M/S atang pawhin mi engemawzatin he meet hi kan chhim ve a ni.
PROGRAMME PAWIMAWH
Kohhran Hun ruat
Meeting Chairman : Upa Zomuana
Ni 2 - 15 November
Dt. 16.11.2008 (Pathianni)
CHAWHMA ( sunday school )
Tantu : Pi Laldinpuii
Zirtur : Sum leh Pai Chungchang
Zirlai 42-na
CHAWHNU
Tantu : Pi P.C. Lalngaihawmi
Thusawitu : Upa L.Romawia
ZAN
Thusawitu : Upa C.Thansiama
Kristian Thalai Pawl
Dt.10.11.2008 (ThawhTan zan)
Chairman : Pu .Vanlalsawma.Br.Fin. Secy..
Tantu : Nl. Sarah Lalthazuali,
Daniala Group.
Silent Night Programme KTP TAWNGTAI INKHAWM PROGRAME
A hmun : Hall No. 4
Chairman : Nl. Tlangmawii, Br. Comt.
Tantu : Nl. F.Lalnuntluangi Jeremia Group Kohhran Hmeichhia
16.11.2008 ( Pathian ni ) Chhungkaw pual tawngtai rual
Hruaitu : Pi Ralziki
18.11.2008 ( Thawhleh zan )
Hruaitu : Pi Thangchungnungi
Tantu : Pi Chalhmingthangi Bial-6 ’B’
Thusawitu : Pi Thanchhingi
Naupang SUNDAY SCHOOL ZIRLAI
Beginner : Samuela
Primary : Luka
Junior : David Livingstone-a
Intermediate : Nicaea Thurin
Sakramen : A huhova Pathian biak
Senior : Tihdam
Masihi Sangati : Isua thihna awmzia I-na
Naupang chawhnu inkhawm
group ii
Hruaitu : Pu T. Zothanpuia
Sakramen Zirtirtu
Tantu : Marina Lalremruati
Senior Dept. - Pawl 16
Item
Hlazir : Pu Lalrinawma
Secy. Naupang Inkhawm
Group Reports
Isaia Group
ÿ Zing Tawngtai Inkhawm Programme
Dt. 23.11.2008 Dar 6:45 AM
A hmun : Pi Lalzapi In
Hruaitu : Tv. H. Vanlalhriata
Tantu : Nl. Lalthazuali
BB chhiartu : Tv. Rosangmawia
ÿ Ni 15.11.20058 Inrinni khan Group Retreat hlimawm tak Reiek tlangah an nei a, a hlawkthlak an tiin zawngchhangtlak an ti hle.
ÿ Kan hma lawkah Group Zaipawl intihsiakna Branchin a buatsaih dawn a, member ten theih tawp chhuaha hla zir turin an inchah.
ÿ Kum tawp kan lo hnaih leh ta a, member te Group leh Branch activities hrang hrangah tanla lehzual turin an in fuih.
ÿ Zamuang Pastor Bial Musical Meet-ah memberte atam thei ang ber kal turin an in ngen.
Jeremia Group
ÿ Zing Tawngtai Inkhawm Programme
Dt. 23.11.2008 Dar 6:45 AM
A hmun : Pu F. Hmangaihsanga In
Hruaitu : Nl. Lalthanpuii
Tantu : Nl. Lalrinpuii (Nuno-i)
ÿ Report kan dawng lo.
Eliza Group
ÿ Hun remchang hmasa berah Group Committee neih tum a ni a, hruaitute hun awl lo insiam lawk turin an inngen.
ÿ Hruaitute leh Member-te KTP Inkhawm, zing tawngtai inkhawm te taihmak chhuah a, tan la lehzual turin an ingen.
ÿ Vawiin Chawhnu Inkhawm ban veleh Member thlawhchhuah hun hman tur a ni a. Pu H. Lalremtluanga-te inah innghahkhawm tur a ni, hruaitute kim taka kal turin an inhriattir. Daniela Group
ÿ Zing Tawngtai Inkhawm Programme
Dt.23.10.2008 Dar 6:45 AM
A hmun : Pu H.Lalrinthanga In
Hruaitu : Tv. Lalduhzuala Ngente
Tantu : Nl. Sarah Lalthazuali
BB chhiartu : Nl. Rosy Zomingliani
ÿ Karleh hun remchangah Committee neih tur a ni a, Group hruaitute hunawl lo insiam turin an inhriattir.
ÿ Group zaipawl December thlaa neih turah member-te tel tum theuh turin an inngen.
Ezekiela Group
ÿ Zing Tawngtai Inkhawm Programme
Dt.23.10.2008 Dar 7:00 AM
A hmun : Upa P.C. Lalnunthara In
Hruaitu : Nl. C. Lalmuanpuii
Tantu : Tv. Lalsangkima Pachuau
BB Chhiartu : Albert Lalruatsanga Ralte
ÿ Hun remchang Committee neih a ni dawn a, hruaitute hunawl lo insiam turin an inngen.
ÿ Member-te inkhawm tanla turin an inngen a, activities hrang hranga tanla lehzual turin an inchah.
MIDANG NENA NUN
Mihring nuna bet tlat pahnih chu tha leh tha lo hi a ni. Thilsiam dangte laka mihring kan danglam bikna chu chhia leh tha thliar thiamna kan nei bik hi a ni. Chumi hmang thiam leh hman nachang hria apiang chu mi fel leh fing an ni mai. Mi sual leh tha siamtu pawh chu tho chu a ni. A miziaa a tha lam phawrh tam a piang chu mi fel, a chhe lam tilang hnem apiang chu misual an ni mai. Khawvel thilah eng ang pawhin ropui mah se a chhia leh tha thliar thiamna a hman tangkai thiam loh chuan ngaihsan an hlawh tak tak ngai lo. Mi tha ni tur hian hausak rikngawtin thu a sawi sei lova, retheih rikngawt pawhin kori a tu ber lo. Nun hlut leh hlut loh chu midang tana a thil tih danah teh a ni. A mawi a hawih dawn lo leka midang ngaipawimawh lo chu nunhonaah ninawm leh hnawksak mai an ni. Ringtute tan phei chuan kan mihring puite chunga that chhuah hi kan tihmakmawh a ni.
Kan Bible chuan a theih phawt chuan mi zawng zawng nen inrema awm turin min zirtir a. Chuti a nih laia mil a ram nei lo ringtu kan nih chuan kan inenfiah a ngai tihna a ni. Pathian ringtu tha taka inngai ve si, tumah mil tak tak nei lo kan ni ang tih a hlauhawm. Kan chenpui kan chhungte ngei ngei pawhin an rin loh, an fate pawhin an rin loh, nupui/pasalte pawhin an rin loh, min hmu nguntu apiangin an ngaihsan loh ringtu kan ni ang tih a hlauhawm. Ringtute kan infiahna tur ber pawh midang nena kan nun honaah a ni. Kan nihna dik tak chu mahni kan inngaih dan lam ni lovin mi min hmuh dan hi a ni zawk fo. ‘Midang chuan eng ang pawhin min ngai rawh se, Pathian nen kan inkar a fel chuan a tawk’ tih te chu tih mai mai a ni. A chenpui mihringte ngei ngei nena an inkar pawh siam fel theilo chuan Pathian nena an inkar pawh a siam fel theih a rinawm lo.
Amaherawhchu, mihring thatna ringawt chuan tling taka nun a har a, mi zawng zawng tilawm tura nun phei chu thil theih loh a ni. Lal Isua ngei pawhin hawtu chu a nei ve tho. A pawimawh berah chuan Bible-in min hrilh angin kan awmdan chu Krista Chanchin Tha nen a inmawi em tih hi a ni. Krista Chanchin Tha nena inmawia kan nun chuan midang nena kan inkar pawh a fel ang tih ring ila, chutianga kan nun avanga mi huat leh tihhmingchhiat kan hlawh a nih pawhin pawiti lo ngam zawk ila, Bible vekin, “Mi zawng zawngin an fak hunah che u in chung a la pik ang, chutiang bawkin an thlahtuten zawlnei derte chunga an tih kha” a ti ve bawk tih hi vawng tlatin nung ila a Tha ber ang.
Silent night ! silent night !
Naktuk thawhtan zan hian Branch KTP chuan Silent Night Proramme hlimawm tak a buatsaih dawn a, hetiang hun hi thil thleng zen zen a ni lova, member-te tan pawh hun hlimawm leh hun nuam tak a nih ngei beisei a ni. KTP Member zawng zawng inkhawm theuh tura beisei kan ni e.
Inneih lawmpui tura sawmna
Kan Branch hruaitu Nl. Khawlroliani leh Lalduhawma, Durtlang Vengthar te chu ni. 21.11.2008 (Zirtawpni) hian Durtlang Vengthar Kohhran Biakin ah Kohhran Dan Thianghlimin an innei dawn a, Kohhran nu leh pa leh Thalaite lawmpui tura sawm kan ni.
Branch KTP Committee chuan Nl. Khawlroliani hi ui tak chungin lawmpuina kan hlan tak zet a ni.
LOCAL FORUM CHANMARI WEST M.P.F
THUCHHUAH
Date 10.11.2008(Thawhtanni) zan dar sarih khan MPF Local Forum Chanmari West Executive Committee vawi khatna neih a ni. chutah chuan thil pawimawh tak tak, kan hma lawka Assembly General Election lo awm tura inthlanna thianghlim, fel leh dik tak mipuiten kan vote hlu tak kan tlak theuh theih nan a hnuaia mite hi mipui leh party hrang hrangten zawm ngei turin ngen leh hriattir a ni. Party hrang hrang hruaitute nen pawh inkawm khawmna neih a ni a, zawm theuh tur pawhin an intiam a ni.
I. 1. Inthlan senso sang lo thei ang bera kalpui.
2. House to house Campaign tih loh.
3. Kawngzawh tih loh.
4. Sum leh thildang sem loh tur.
5. Ruai theh leh picnic ang chi tih loh tur.
6. Inthlan dawnah Party office a hranga hawn loh tur.
7. Mipui, pawl leh kohhran pawlin thil phut ang chi an nei tur a ni lo.
8. Banner, poster leh flag-te hi a tlem thei ang ber tar tur a ni. Tin, mimal compound bang leh a velah a neitu phalna la hmasa lo chuan tar loh tur ani.
9. Party ten a hranpain inthlan niah thingpui lum loh tur.
10. Polling Booth area bulah ruihtheih thil zu, etc., hmanga inthlem loh tur. II. 1. A tul a nih chuan MPF kaihhruainain joint platform buatsaih a ni ang.
2. Party malin a hranpain public meeting a buatsaih dawn a nih chuan MPF Local Forum hruaituten an kaihruai ang.
3. Party manifesto, policy,etc., sem duhte chuan MPF kaihhruainain sem mai ni se.
4. Polling Booth area bul hnai, Electoral Roll enhona a hrangin siam loh tur a ni.
5. Joint Office hawn.
6. Veng chhungah party-campaign office information centre hawn loh tur. |