|
Inngaihtlawm a ngai em?
( Sermon ) V Hauzel Ringtute tih tur/ Nih dan tur a ni - Inngaihtlawmna hi rawngbawl naah hian kan tih leh nih ngei ngei tur a nihzia chiang takin a lang. Pathian chu tih leh zah hliah hliah chung be tur kan nihzia leh a rawng bawl tur kan ni ngei em? Zawlnei Mika chuan, “LALPA chuan khawpui chu a au a ni, finna nei mi chuan i hming atih ang: talhtum leh a buatsaihtu chu hre rawh u.” (Mika 6:8) tiin a lo sawi a, talhtum leh a buatsaihtu chu hre rengin rawngbawltu chuan Pathian tih leh zah tak chungin rawng i bawl tlat ang u.
Isua kan entawn tura chu - Kan Lal Isua chuan, “Ka nghawngkawl bat ula, ka hnenah zir rawh u; thuhnuairawlh leh rilrua inngaitlawm tak ka nih hi: tichuan, in thlarau tan chawlhna in hmu ang.” (Mathaia 11:29) tiin min hrilh a. Amah ngeiin thuhnuairawlh leh rilru inngaitlawm tak a nih avangin ama awmdan entawn turin min duh a, chuvang chuan ka hnenah zir rawh u a ti a ni. A hnena kan zir phawt chuan kan thlarau tan chawlhna kan hmu em em dawn a ni tih hi i hre thar leh ang u.
Mithiang hlimte nunah chuan - Kan Lal Isua nun hi kan zir zel a, A thu kan awih a, A duh dan anga kan nun chuan, “Ka nunna hian LALPA chu a chhuang ang a: Thuhnuairawlhte chuan chu chu an hria ang a, an lawm ang.” (Sam 34:2) tiin hla in Sam ziak tu chuan hril chhuak a, hetiang nun hi neih kan chak tak zet a nih chuan mahni leh mahni infak a ngai tawh lovanga, insawifiah lovin miten kan nunah Lalpa an hmu anga, an chhuang em em tawh mai dawn a ni. Heta tang chiah hian rawngbawlna nung kan nei thei dawn chauh a ni.
Inngaitlawmte chu Pathianin a enkawl - Hla tak atanga Pathian mihriat nih nge kan duh? hnaite atanga pathian mihriat nih? Hnaite atanga Pathian mihriat nih kan duh chuan Pathianin inngaitlawmte chu a enkawl bik a ni tih hi i hrethar leh ang u. “LALPA chu chungnung tak a ni naa, mi tlâwmte chu a ngaihsak thin a: Mi chapote erawh chu hla tak atangin a hre thin” (Sam 138:6) tiin kan Bible-ah kan hmu a, Thil engkim siamtu chuan inngaitlawmte chu a enkawl tak zet em le? Isaia 66:2-ah chuan, “ Heng thil engkim hi ka kutin ka siam a ni si a, chutichuan heng thil engkim hi a lo awm ta a ni, LALPAN a ti: amaherawhchu mi, rethei taka awm, rilrua inchhir ngawih ngawih, ka thua khur thin a lam hi ka en zawk ang.” tiin Pathian chuan a Zawlnei kaah a lo sawi tawh bawk a, Pathian thu ngaihven, amah tih tute chanvo chu Pathian enkawlna an chang thin hi a ni. Inngaitlawmte chu Pathianin enkawl mai pawh ni lovin a hria a, a hre reng thin.
Pathian awmpuina an chang thin - Anih leh inngaitlawmte hian Pathian awmpuina an chang reng em i ngaihtuah leh lawk teh ang. Isa 57:15-ah chuan, “Mi chungnung, chawisan, chatuana awm, a hming Thianghlima chuan heti hian a ti si a: “Kei hmun chungnung leh thianghlimah ka awm a, mi thuhnuairawlhte rilru tiharh tûr leh inchhir ngawih ngawihte thinlung tiharh tûrin mi rilrua inchhir ngawih ngawiha thuhnuairawlh tak hnênah pawh ka awm a ni.” tih kan hmu bawk a. Pathian awmpuina an chang mai ni lovin a awm pui ngei ngei a ni.
Inngaitlawmte chu Lalpan a chhandam - Lalpa hmaa tlawm taka kan intuk luh chiah hian Lalpa hian rilrua inchhir ngawih ngawih te a ensan thei lo tih kan hre theuh a, Joba 22:29-ah chuan “An paih thlak che pawhin, Din chhuahna a awm, i ti ang a, Mi inngaitlâwm chu a chhandam ang.” tih kan hmu a, hawh u Pathian hmaah hian i inngaitlawm zel mai ang u.
Pathianin a chawimawi thin - Tunge chawimawi duh lo awm le, chawimawi leh chawisan kan duh phawt chuan inngaitlawmin Pathian hmaah i kun zel mai ang u, Jakoba 4:10-ah chuan, “Lalpa mithmuhin inngaitlawm rawh u, tichuan a chawimawi ang che u.” a ti a, Kan Bible-a ziak dang han thlir leh zawk teh ang. Luka 14:11-ah, “Inngaihlu apiang an tlawm ang a; inngaitlawm chu chawimawiin an awm ang,” Lalpa mithmuha kan inngaihtlawm phawt chuan, anin min chawimawi dawn a nih chu.
Vanrama ropui ber chu - Vanrama ropui ber nih kan duh em le, Vanrama ropui ber turte tute nge? Ele inngaitlawmte mawle, Kan Lal Isua ngeiin a sawi a ni lawmni kha? Mathaia 18:4 kan en chuan, “Chutichuan, tupawh he naupang te anga inngaitlawm apiang, chu mi chu Vanramah chuan a ropui ber ang” a titawp mai a ni. Vanrama ropui ber nih kan duh phawt chuan inngaihtlawm hi kan tih tur chu a ni.
Mathaia Bung 5:3 “Rilrua retheite chu an eng a thawl e; van ram an ta a ni si a.”
LAWRKHAWM
Branch Comm.
ÿ Ni 28.8.2008 (Ninga) zan khan Branch Committee a thu a. Kumin a kan Budget thlir letin tun thla chhunga KTP hmalaknate a thlir let bawk a, hmalak lehzelna tur a rel nghal.
Hnam lam entir dawn
ÿ Kan Branch KTP chuan Central KTP atanga sawmna kan hmuh angin I Love Taiwan Programme Central KTP in a buatsaihah hnam lam entir tur a ni a, inbuatsaihna kalpui mek a ni.
Beihrual Thla Thawhtan Zan
ÿ Bial Standing committee ruahmanna angin kumin Beihrual thlaa thawhtan zan bik inkhawm kaihhruai leh chanvo te KTP kuta dah a ni a. Hei hi Beihruala Inkhawma thalaite kan inkhawm tam theih nana tih a ni.
Lawmthu sawina
ÿ Ni 17.8.2008 (Pathianni) chawhnua KTP tena Central Jail-a hun kan hmannaa Bus man man taka min hmantirtu Pu P.C. Lalthanmawia leh bungraw phurh nana Pick up a thlawna min hmantirtu Pu Lalrinchhana te chungah leh chanvo hrang hrang neituten an tihhlawhtlin avangin Branch KTP chuan lawmthu a sawi tak meuh meuh a ni.
Tawngtai tlaivar
ÿ Ni 22.8.2008 (Zirtawp) zan khan Branch K.T.P huaihawtin KTP member thahnem tak in inhlantharna leh lawmthu sawina tawngtai tlaivarin hun an hmang.
Branch sum dinhmun
ÿ Ni 21.8.2008 (Ninga) thlenga Branch K.T.P sum dinhmun chu hetiang hi a ni : Sum hmuh : Rs. 3,22,430, Sum Hman : Rs. 2,58,802, Kuta awm : Rs. 63,628
Bial Budget Tlak
ÿ Kum 2008 atana Bial KTP-in kan Branch Budget a tuk Rs. 49000/- chu tlak fel a ni ta.
Tanpuina Pe
ÿ Central KTP-in Chhanchhuahna Camping Youth Hostel-a a neih tur atan kan Branch KTP chuan Rs. 2000/- a hlan.
Editorial: Kohhran mite leh inthlan
Kan ram roreltu turte thlan kum a ni leh ta reng mai. Ram rorel tu tur thlan hi thil pawimawh tak a nih avangin ram mipui nun a sawi nghing a, Kohhran mite pawhin kan maimitchhin san thiang lovang. Maimitchhin san lo chauh nilovin mit meng kar chungin ngaihtuahna kan sen ngeina tur a ni.
Ram siamthat hna a taka thawk tur chuan Kohhran huang chhung atanga kan tan a tulin, siam thatna bul kan tanna tur pawh a ni ngei ang.
Ram siamthat hna thawk tur hian eng kawngin nge Kohhran mite hian ke kan pen anga, eng chen nge ram rorel khawl siam tur hian hmalakna a ke pen tur ni ang tih chu mimal ngaihdan leh thu tlukna ah a innghat awm e.
Political Party leh kan miduh zawngte chanvo thatna tur nia kan beisei avanga Party leh midang puhmawh leh sawichhiat vak vak thin lakah fihlim tum hram a tha hle ang. Kan miduh zawngte an thatna leh kan duh chhan te, ram tana an thatna turte fiah taka sawi tum mai ila, Kohhran mi kan nihna nen a in mawiin kan hmalak dan tur pawh a ni ngei ang.
BRANCH HRUAITU KALCHHUAK
Branch KTP Committee Member Tv. H. Lalthazuala chu Synod Music Committee tirhin ni 27.8.2008 khian Vocal Training nei turin New Delhi-ah min awmbo san dawn a, hetih rual hian Nl. P.C. Lalchhanhimi, Branch Committee Member pawh Missionary hna a thawhna hmun tur lamah ni 26.8.2008 khian a kal dawn bawk a, Branch Committee chuan tluang taka an tih turte an hlen chhuah theihna turin duhsakna a hlan a, hetiang mi bik kan Branch in kan nei hi an chhuanawm hle a, member ten tawngtainaah i hre thin ang u.
PAVALAI PAWL HRIATTIRNA
Thawhleh zan dar 7:30 PM hian Pu R. Rokima inah inpawlkhawmna neih tur a ni a, Pavalai zawng zawng kal vek tura ngen leh hriattir kan ni e.
NAUPANG CHAWHNU INKHAWM
Naupang Sunday School Inkhawmpui tur atana inbuatsaih tur a nih avangin Naupang Chawhnu inkhawm a awm lovang.
PROGRAMME PAWIMAWH
Kohhran Hun ruat
Meeting Chairman ( 17-31, August 2008 )
Upa P.C. Pakunga
Dt.24 .8.20 Zing
Tantu : Pi Tlangtimawii
Zirtur : ‘Lalna leh thuneihnate’
Zirlai 31-Na
Chawhnu
Tantu : Pi Lalsailovi Bial 12-na
Thusawitu : Tv. C. Lalawmpuia, BD Attached
Zan
Thusawitu : Upa Lalkunga
Kristian Thalai Pawl
Dt.24.8.2008 Pathianni Tawngtai Inkhawm
Chairman : Nl. Lalramhluni Treasurer, Ezekiela Group
Tantu : Nl. Lalthlamuanpuii, Ezekiela Group
25.8.08. THAWHTAN ZAN
Hruaitu : Pu Lalbiakkima Sailo
Br. Committee Member
Tantu : Nl.R.Lalawmpuii Ezekiela Gr.
Sermon : Pu R.Vanlalsawma Br.Fin. Secy
Solo : Nl.R.Remsangpuii, Daniela Gr. Kohhran Hmeichhia
Dt.24.8.2008 (Pathianni) Chhungkaw pual Tawngtai
Hruaitu : Pi Vanlalchhuangi,
Dt.26.8.2008 Thawhleh zan Inkhawm
Chairman : Pi Khelziki
Tantu : Pi Laldinthari, Bial - 8 ’A’
Thusawitu : Pi Vanrammawii Vawiin Sunday School Zirlai
Senior : Tertulian-a
Sakramen : Kohhran inthunun dan
Intermediate : Kohhran awmzia leh nihna
Junior : Stephan-a
Primary : Kum 38 damlo tihdam
Beginner : Fapa tlan bo
Masihi Sangati : Rawngbawl hna awmzia MASIHI SANGATI INKHAWM PROGRAMME
A hmun : Pu Thanrehlova In
Hruaitu : Pu Zairemthanga
Tantu : Pu K. Lalnuntluanga
Hnam dang ina fehchhuah tur a ni ang.
Hun hmangtu : Amit Singh
Faith Promised la thehlut lo ten sum enkawltu hnenah thehluh vek tur a ni e.
GROUP REPORT
Isaia Group
ÿ Group Committee member Tv. Laltlankima pa damlohna avanga Civil Hospital-a awm mek chu dam taka a lo chhuah leh thuai an duhsak hle.
ÿ Ni 22.8.08 (Zirtawp) zana Branch KTP huai hawt a Tawngtai tlaivarna a kal Group member zawng zawng chungah lawmthu an sawi.
ÿ Hun remchang hmasaah Gospel T-Shirt zuarin hnatlan an tum.
ÿ Group member Nl. Fidelia Lallawmzuali Missionary a kal tur chu an chhuang hle a, a rawngbawlna turah Pathian awmpuina leh hruaina a dawn theihna turin duhsakna an hlan.
ÿ Zing Tawngtai Inkhawm Programme
A hun : Ni. 31.8.08 Dar 7:00 AM
A hmun : Pu V.L. Huma In
Hruaitu : Nl. Hannah C. Lalrempuii
Tantu : Tv. Lalhmingsanga
B.B chhiartu : 1. Nl. Betsy Lalhlunpuii
2. Tv. H. Lalnunpuia
Daniela Group
ÿ Sum tuak nan Lapua leh Audio Cassette an zawrh leisak tute leh hnatlanga thawkchhuak te chungah lawmthu an sawi a, Hun remchang hmasaberah hnatlan leh tur a ni.
ÿ 24.8.2008 (Pathianni) Chawhnu Inkhawm banah Member tlawhchhuah hun hman tur a ni a, Nl R. Lalbiakhlui te inah innghahkhawm tur a ni.
ÿ Zing Tawngtai Inkhawm Programme
A hun : Ni. 31.8.08 Dar 7:00 AM
A hmun : Pu Darrothuama (L) In
Hruaitu : Nl. Lalrotluangi
Tantu : Tv. K.Lalnunkima
B.B Chhiartu : Tv. Lalrinawma Eliza Group
ÿ Bial vawngtu ten mahni bialah bawm inleng ngaihven zui zel turin an inhriattir.
ÿ Hruaitute leh member-te KTP Activities ngaipawimawh lehzual turin an inngen.
ÿ Hun remchang hmasa berah Hatkora tui zuara hnatlan an tum.
ÿ Zing Tawngtai Inkhawm Programme
A hun : Ni. 31.8.08 Dar 7:00 AM
A hmun : Pu C. Ramparliana In
Hruaitu : Nl. R. Lallawmzuali
Tantu : Nl. H. Lalrinchhani
B.B chhiartu : Tv. C. Lalpiangthara Jeremia Group
ÿ Hruaitute leh member-te KTP Activities ngaipawimawh lehzual turin an inngen.
ÿ Zing Tawngtai Inkhawm Programme
A hun : Ni. 31.8.08 Dar 7:00 AM
A hmun : Pu Lalrinliana In
Hruaitu : Nl. Lalengzami
Tantu : Nl. R. Lallawmsangi
Ezekiela Group
ÿ Electric Bill pek tir thin tute zawng zawng hnenah Group Hruaitu ten lawmthu an sawi.
ÿ Ni 22.8.08 (Zirtawp) zana Branch KTP huai hawt Tawngtai tlaivarna a kal Group member zawng zawng hnenah lawmthu an sawi.
Ezekiela Group
ÿ Group member Nl. P.C.Lalchhanhimi Missionary a kal tur chu an chhuang hle a, a rawngbawlna turah Pathian awmpuina leh hruaina a dawn theihna turin duhsakna an hlan.
ÿ Group Secretary Pu J.K. Zosangliana Kolkata lama zin pawh tluang taka a lo haw leh thuai an beisei.
ÿ Hruaitute leh member-te KTP Activities ngaipawimawh lehzual turin an inngen.
ÿ Zing Tawngtai Inkhawm Programme
A hun : Ni. 31.8.08 Dar 7:00 AM
A hmun : Pu Kapmawia In
Hruaitu : Pu J. Lalnangliana
Tantu : Tv. Lalrinfela
B.B chhiartu : Nl. R. Lalhmangaihzuali 2008 BEIJING OLYMPIC
Kum 2008 Beijing Olympic Khawvel-in a nghahhleh em em chu neih chhoh mek zel a ni a. Tun tumah hian Olympic chanchin chipchiar (a history) sawi kan tum lova, inelna hrang hranga ram hrang hrangte dinhmun leh medal lak dante sawi kan tum bawk hek lo. Tun tum Beijing Olympic leh India ram a infiam mite dinhmun ngaihtuah tum ta ila. Kan hriat theuh angin August Ni 11.8.2008 tluka India ram tana thil lawmawm dang kha a awm tam vak awm love. Mimal inelna bikah India ram chuan a vawikhatna atan Gold Medal la ve in kum 28 hnua inelna hrim hrima Gold Medal a lak lehna hmasa ber a ni bawk. Hemi hian a entir pakhat chu mi hnuai hnung ber pawhin chungnung ber dinhmun a luah thei a ni tih a tichiang. A dang lehah chuan India ramin Discipline tha kan neih lohzia a lantir thei bawk a, hei hi Indian Contingent-te a hawnna a an rawn kal chhuak khan a tichiang hle. Tin, India ram tan chuan dinhmun tha tak beisei a har hle a ni tih a tilang thei bawk awm e.
India ram tana rit inchawisiakna a lawmman la thei ngei tura beisei Manipur mi Monica Devi chu dik lo taka Damdawi hmang suala puh luih a ni a, a aiah rit chawimi dang Shailja chu duhsakna uchuak hmanga tel tir a ni a. Heng bakah hian India ramin tena kan inchhuan vena ber thin Hockey-ah pawh induhsakna dik lo hmangin a thiam lo zawkte tel tir fo an ni a, hei hi tun Olympic-ah pawh hian a rawn lang chhuak chiang hle a, India ram chuan Hockey Qualifying Round a paltlang zo lo reng a ni. Hemi atanga thil lang chiang em em ta chu mahni mimal theihna atang liau liau a nih loh chuan he inelnaah hian India ram chuan a thlengsang vak ngai dawn lo tih a chiang thei awm e. Entirnan - Mahesh Bhupati, Leander Paes, Mirza, Abhinav Bindra etc. te hi anmahni mimal theihna liau liauva heng dinhmun thleng thei chauh hi an ni a, India ramin a lo hming that pui ta mai zawk a ni. Tichuan, India rama thil thleng ngailo mimal inelnaah mi bik Abhinav Bindra chuan 10 Mtr Air-rifle Shooting-ah Gold Medal India ram tan a rawn hawn thei ta hi a ropui chung chuang bik em em a ni.
Tun dinhmuna a titha zual ram pathumte leh India ram Medal lak dan chu hetiang hi a ni :-
Ram Gold Silver Bronze
1) China 47 17 25
2) USA 31 36 35
3) UK 18 13 13
46. India 1 - 3 |